22.02.2006

Stærðfræðisnillingarnir - skemmtilegur leikur fyrir krakka

Alcan á Íslandi hf. hefur hleypt af stokkunum verkefni sem ætlað er að auka stærðfræðiáhuga tæplega 11 þúsund barna sem fædd eru á árunum 1997, 1998 og 1999.

Góð raunvísindaþekking er mikilvæg hverju samfélagi og er undirstaða trausts atvinnulífs. Áhugi barna á raunvísindum er þannig mjög mikilvægur og við viljum leggja okkar að mörkum á því sviði, enda er Alcan eitt þeirra fyrirtækja sem reiðir sig mjög á raunvísindi og þekkingu. Fyrirtækið hefur þess vegna sent foreldrum/forráða¬mönnum allra barna sem fædd eru 1997, 1998 og 1999 bréf og boðið þeim að börnin taki þátt í skemmtilegum stærðfræðileik undir yfirskriftinni Stærðfræðisnillingarnir

Leikurinn felst í því að börnin leysa nokkrar stærðfræðiþrautir hér á vefsíðunni okkar (sjá forsíðu). Þrautirnar eru unnar upp úr margverðlaunuðu kennsluefni, bæði bókum og margmiðlunarefni, þar sem grunnatriði stærðfræðinnar eru klædd í skemmtilegan búning til að vekja áhuga á viðfangsefninu. Að sjálfsögðu er heimilt að leiðbeina börnunum eins og um hvert annað heimanám væri að ræða.

Öll börn sem taka þátt fá senda gjöf í viðurkenningarskyni fyrir þátttökuna, en að auki fá 500 heppnir þátttakendur sendan margmiðlunardiskinn Tívolí tölur. Nöfn þeirra verða dregin úr réttum innsendum lausnum þann 17. mars og því þurfa svör að hafa borist fyrir þann tíma.

Við vonum að þetta framtak okkar mælist vel fyrir og að foreldrar hvetji sín börn til að taka þátt.


« til baka