14.11.2007

Íslensku bjartsýnisverðlaunin 2007

Guðný Halldórsdóttir, kvikmyndaleikstjóri hlaut Íslensku bjartsýnisverðlaunin í ár. Verðlaunin voru afhent við hátíðlega athöfn í Iðnó, mánudaginn 12. nóvember. Vigdís Finnbogadóttir tilkynnti val dómnefndar og Ólafur Ragnar Grímsson, verndari verðlaunanna afhenti Guðnýju verðlaunagrip og ávísun að upphæð 1.000.000.kr. Verðlaunin voru áður kennd við danska athafnamanninn Peter Brøste sem veitti þau í fyrsta sinn árið 1981. Garðar Cortes var fyrstur til að hljóta Bjartsýnisverðlaunin. Í fyrra hlaut Hörður Áskelsson orgelleikari verðlaunin, í ár voru þau afhent í 27. sinn.
Alcan á Íslandi er bakhjarl Íslensku bjartsýnisverðlaunanna.


« til baka