18.04.2008
Alcan á Íslandi hf. tekur upp merki Rio Tinto Alcan
Alcan á Íslandi hf., sem rekur álverið í Straumsvík, mun framvegis starfa undir merkjum Rio Tinto Alcan. Íslenska fyrirtækið heitir enn Alcan á Íslandi hf. og verksmiðjuheitið innan Rio Tinto Alcan samsteypunnar er áfram ISAL.
Rio Tinto er alþjóðlegt leiðandi námafélag sem keypti Alcan Inc. seint á síðasta ári og er álframleiðsla fyrirtækisins rekin undir sameinuðum nöfnum félaganna.
Rio Tinto Alcan er leiðandi og stærst í álframleiðslu á heimsvísu, með 73 þúsund starfsmenn og starfar í 61 landi víða um heim. Rio Tinto Alcan er viðurkennt víða um heim fyrir áherslur í umhverfismálum, til verndar heilsu og öryggi starfsfólks, samfélagsmálum og sjálfbæra þróun.
Rio Tinto er aðili að alþjóðlegum lykilsáttmálum þar með talið Global Compact átaki Sameinuðu þjóðanna, Leiðbeiningum OECD fyrir fjölþjóðleg fyrirtæki, Frjálsum skilmálum um öryggi og mannréttindi, Alþjóðlegum skilmálum um gagnsæi í viðskiptum og sameiginlegu framtaki Heimsviðskiptaþingsins gegn spillingu.
The way we work, yfirlýsingu Rio Tinto um viðskiptavenjur, er hægt að nálgast hér.
Nánari upplýsingar um Rio Tinto Alcan má nálgast á vefsvæðinu: www.riotinto.com/riotintoalcan
Nánari upplýsingar um Rio Tinto má nálgast á vefsvæðinu: www.riotinto.com
HÉR er nýtt merki Rio Tinto Alcan.
« til bakaDeila