23.01.2009

Rannveig Rist hlaut FKA viðurkenninguna 2009

Félag kvenna í atvinnurekstri veitti í gær Rannveigu Rist FKA viðurkenninguna 2009, en þetta er í tíunda sinn sem hún er veitt. Við afhendingu verðlaunanna í Perlunni í gær kom fram af hálfu Margrétar Kristmannsdóttur formanns félagsins, að Rannveig hefði stýrt álverinu í Straumsvík af mikilli festu og öryggi frá því hún tók við stjórnartaumunum fyrir 12 árum, staðið vörð um hagsmuni og menntun starfsmanna sinna og rekið félagið með hagnaði.

Hvatningarverðlaun FKA hlaut Agnes Sigurðardóttir, sem rekur Bruggsmiðjuna á Árskógssandi.

Þakkarviðurkenningu FKA hlaut Guðrún Birna Gísladóttir, forstjóri dvalarheimilisins Grundar.

Gæfusporið 2009 - viðurkenningu sem veitt er fyrirtæki sem þykir hafa skarað fram úr við að virkja kraft kvenna innan sinna raða - hlaut Auður Capital.

Á myndinni eru verðlaunahafarnir ásamt Margréti Kristmannsdóttur formanni FKA og Björgvini G. Sigurðssyni viðskiptaráðherra.


« til baka