30.11.2010

Sláum aðsóknarmetið!

FH og Rio Tinto Alcan bjóða til sannkallaðrar handboltahátíðar þriðjudaginn 30. nóvember. FH fær þá Hauka í heimsókn í N1 deild karla og hefst leikurinn kl. 19:45.

Í tilefni af nýjum raforkusamningi og stórum fjárfestingum í Straumsvík býður Rio Tinto Alcan almenningi á þennan stórleik, á meðan húsrúm leyfir. Boðið verður upp á fjölmörg skemmtiatriði frá kl. 18:30, en þá opnar húsið.

Markmiðið er tvíþætt:

  • Slá aðsóknarmetið í Kaplakrika
    • Gamla metið er 2800 manns
    • Sett árið 1992 í átta liða úrslitum Íslandsmótsins í leik FH og ÍBV
  • Bjóða upp á einstaka upplifun í kringum stærsta íþróttaríg landsins
    • Glæsileg skemmtidagskrá frá kl. 18:30 og fram að leik
    • Hægt að kaupa fjölbreyttar veitingar á vægu verði
    • Tónlist, ljósasýning og myndbönd setja sterkan svip á kvöldið

Dagskráin:

  • Grillaðir hamborgarar
    • Knattspyrnuþjálfararnir Heimir Guðjóns og Jörundur Áki muni etja kappi við frjálsíþróttakónginn Eggert Bogason og hans aðstoðarmenn á grillinu þar sem reynt verður að setja met í hamborgarasölu
    • Stjórnandi keppninnar verður Hermann Fannar Valgarðsson, a.k.a. Hemmi feiti
  • Stjörnukynnirinn Jóhann Skagfjörð fluttur inn frá Raufarhöfn í tilefni dagsins
  • Glæsileg ljósasýning
  • Margmiðlunarupplifun á handboltaleiknum í boði Opinna Kerfa
  • Fjöldi skemmtikrafta kemur fram:
    • Friðrik Dór
    • Erpur Eyvindarson / Blaz Roca
    • Hafnarfjarðarmafían
    • „Þjóðsöngur“ Hafnfirðinga – Þú hýri Hafnarfjörður – fluttur fyrir leik


« til baka