11.03.2005

Skemmtilegt sumarstarf

Ef þú vilt starfa á tæknilegum og fjölbreyttum vinnustað í sumar og tilheyra skemmtilegum hópi starfsmanna þá hvetjum við þig til að sækja um hjá okkur. Við ætlum að ráða 130 dugmikla sumarstarfsmenn af báðum kynjum til ýmissa starfa á tímabilinu 15. maí til 15. september, eða eftir samkomulagi.  

Umsækjendur þurfa að verða 18 ára eða eldri á árinu og í flestum tilfellum að hafa aflað sér vinnuvélaréttinda áður en þeir hefja störf. 

 Við leggjum áherslu á heiðarleika, ábyrgð, traust, samvinnu og hæfni í mannlegum samskiptum og leitum að fólki sem með þessa kosti.  Allir nýir starfsmenn fá markvissa þjálfun í upphafi starfstíma, hvort sem þeir ráðast til starfa í kerskálum, steypuskála, mötuneyti, flutningasveit, ræstingum eða annars staðar. 

 Margir sumarstarfsmenn munu vinna á þrískiptum 8 klst. vöktum,  þar sem unnar eru 6 vaktir á fimm dögum með 5 daga vaktafríi á milli. Við ætlum einnig að ráða sumarstarfsfólk sem mun vinna eftir öðru fyrirkomulagi.

 Umsóknareyðublaðið geturðu sótt með því að smella hér.  Þú fyllir það út og sendir okkur með tölvupóst á netfangið umsokn@alcan.is fyrir 24. mars.


« til baka