13.08.2012

Stöðvun á einni af þremur þurrhreinsistöðvum vegna framkvæmda

Á morgun þriðjudaginn 14. ágúst klukkan 14:00 verður ein af þremur þurrhreinsistöðvum álversins stöðvuð vegna nauðsynlegra breytinga á raforkukerfi stöðvanna.

Framkvæmdin tengist fyrirhugaðri  20% framleiðsluaukningu ISAL en einn liður í því verkefni er uppsetning nýrra þurrhreinsistöðva. Megintilgangur aðgerðarinnar á morgun er að undirbúa tengingu nýrra afsogsblásara og auka rekstraröryggi stöðvanna með varatengingu inn á nýja spennistöð.

Gert er ráð fyrir að stöðvunin muni vara í um 50 mínútur. Viðbúið er að aukinn útblástur verði frá álverinu á meðan, enda gegna þurrhreinsistöðvarnar gegna því hlutverki að hreinsa ryk og flúor úr útblæstri frá kerskálum.

Búið er að upplýsa Heilbrigðiseftirlit Hafnarfjarðar- og Kópavogssvæðis og Umhverfisstofnun um stöðvunina.


« til baka