15.08.2012

Síðari stöðvun á einni af þremur þurrhreinsistöðvum

Á morgun fimmtudaginn 16. ágúst klukkan 14:00 verður ein af þremur þurrhreinsistöðvum álversins stöðvuð vegna nauðsynlegra breytinga á raforkukerfi stöðvanna.

Þetta er hliðstæð stöðvun við þá sem gerð var í gær, þriðjudag. Þess má geta að sú framkvæmd gekk vel og varði stöðvunin aðeins í 43 mínútur í stað 50 eins og ráðgert var.

Framkvæmdin tengist fyrirhugaðri  20% framleiðsluaukningu ISAL en einn liður í því verkefni er uppsetning nýrra þurrhreinsistöðva. Megintilgangur aðgerðarinnar á morgun er, líkt og í gær, að undirbúa tengingu nýrra afsogsblásara og auka rekstraröryggi stöðvanna með varatengingu inn á nýja spennistöð.

Gert er ráð fyrir að stöðvunin muni vara í um 50 mínútur. Viðbúið er að aukinn útblástur verði frá álverinu á meðan, enda gegna þurrhreinsistöðvarnar því hlutverki að hreinsa ryk og flúor úr útblæstri frá kerskálum.

Búið er að upplýsa Heilbrigðiseftirlit Hafnarfjarðar- og Kópavogssvæðis og Umhverfisstofnun um stöðvunina.


 


« til baka