15.11.2016

Truflanir hjá ISAL

Kerskálar, þurrhreinsistöðvar, steypuskáli og skautsmiðja álversins misstu straum á þriðja tímanum í dag í kjölfar þess að eldingu sló niður í Búrfellslínu 3. Tilraunir til að koma þeim aftur í rekstur hafa ekki borið árangur enn sem komið er að öðru leyti en því að einn kerskáli af þremur hefur afl að hluta. Áfram er unnið að því að koma þeim í rekstur á ný. Nýjar upplýsingar verða birtar um leið og þær liggja fyrir.

Uppfært kl. 16:13 Hálft afl er komið á kerskála 3.

Uppfært kl. 16:32 Komið er afl að tveimur þriðju hlutum á alla kerskálana. Unnið er að því að koma þurrhreinsistöðvunum í rekstur.

Uppfært kl. 17:13 Allir þrír kerskálarnir eru um það bil að komast á fullt afl. Tvær af þremur þurrhreinsistöðvum eru komnar í fullan rekstur. Sú þriðja er á hálfu afli og gert er ráð fyrir að hún komist í fullan rekstur innan tíðar. Að óbreyttu verður því ekki um frekari uppfærslur að ræða að sinni.


« til baka