15.06.2004

Fjölskyldudagur Alcan

Það var líf og fjör á Fjölskyldudegi Alcan í Straumsvík sem haldinn var laugardaginn 5. júní og mikið um að vera.

Fjölskyldumeðlimum starfsmanna Alcan var boðið í herlegheitin og gafst þeim tækifæri til að skoða verksmiðjuna og starfsemina sem þar fer fram. Um 750 manns mættu á svæðið og nutu ljúffengra veitinga í góðu veðri. Í boði voru heitar rjómavöfflur og kaffi og einnig grillaðar pylsur.

 Dagskráin var fjölbreytt og fengu gestir m.a. að sjá leikritið Áslákur í Álverinu sem Möguleikhúsið sýndi, Jónsi í Svörtum fötum söng og dansaði með börnunum ásamt Hrafnkeli félaga sínum og einnig söng Álkórinn við góðar undirtektir. Auk þessa var athyglisverð sýning á állistaverkum sem börn og barnabörn starfsmanna bjuggu til. Listaverkin voru eingöngu gerð úr álpappír og það vantaði ekki hugmyndaflugið hjá ungu listamönnunum. Þátttakendur voru krýndir állistamenn Alcan að sýningu lokinni.

 Allir vour sammála um að þessi dagur hafi tekist með afbrigðum vel og mun án efa verða endurtekinn að ári liðnu.


« til baka