Alcan á Íslandi

30.05.2003

Stórsýning í Kaplakrika

Stórsýningin Fólk og fyrirtæki 2003 stendur nú yfir í íþróttahúsinu Kaplakrika í Hafnarfirði. Alcan er einn aðalstuðningsaðila sýningarinnar, en mjög góð þátttaka er meðal hafnfirskra fyrirtækja.

Sýningarbás Alcan hefur vakið nokkra athygli, enda er hann um margt frábrugðin öðrum. Með ljósmyndum úr ýmsum áttum er bent á, hve víða álið er víða notað og í miðju bássins er lítið líkan af fjallinu Keili. Með því er vísað til þess, að ál er að finna í flestum bergtegundum, öllum leirtegendum og þ.a.l. í flestum fjöllum. Því til viðbótar vill svo skemmtilega til, að Keilir líkist mjög fyrirtækjamerki Alcan.

Þá geta gestir tekið þátt í léttum spurningaleik og freistað þess að vinna helgarferð til Kaupmannahafnar. Hægt er að nálgast spurningarnar með því að smella hér, en aðeins verður tekið við útfylltum svarblöðum á sýningunni sjálfri.

Fjölmörg skemmtiatriði verða á boðstólum um helgina, bæði fyrir börn og fullorðna. Sérstök athygli er þó vakin á listflugi Arngríms Jóhannssonar, sem hyggst sýna listir sínar fyrir ofan Kaplakrika kl. 12 og kl. 20 á laugardaginn ef veður leyfir.

Opnunartímar sýningarinnar eru þessir:
Föstudagurinn 30. maí: Frá kl. 16 til 22
Laugardagurinn 31. maí: Frá kl. 12 til 22
Sunnudagurinn 1. júní: Frá kl. 12 til 22