Alcan á Íslandi

27.11.2009

Maraþonstyrkir til góðgerðarmála

Á dögunum voru afhentir styrkir til góðgerðarmála sem Alcan á Íslandi hf. veitir í tengslum við þátttöku starfsmanna álversins í Straumsvík í Reykjavíkurmaraþoni 2009. Veittur var 100.000,- kr. styrkur fyrir hvern hlaupahóp sem í voru 10 hlauparar hið minnsta, en hlauparar ákváðu sjálfir hvaða aðili skyldi styrktur.

Alls tóku 120 starfsmenn álversins í 11 hlaupahópum þátt í Reykjavíkurmaraþoni. Styrkfjárhæðin nam því alls 1.100.000,- kr.

Afhendingin fór fram í mötuneyti ISAL í Straumsvík og mættu þangað fulltrúar þeirra sem hlutu styrki til að veita þeim viðtöku frá fulltrúum hlaupahópanna og njóta léttra kaffiveitinga.

Eftirtaldir aðilar hlutu styrk:

• ADHD samtökin
• Á rás fyrir Grensás
• Bætum brjóst (tveir styrkir)
• Einstök börn
• Félag áhugafólks um Downs heilkenni
• Hringurinn
• Ljósið
• Mæðrastyrksnefnd Reykjavíkur
• Neistinn – styrktarfélag hjartveikra barna
• Umhyggja – félag til stuðnings langveikum börnum

Óhætt er að segja að athöfnin hafi lukkast vel og létu fulltrúar góðgerðarsamtakanna í ljós mikið þakklæti í garð fyrirtækisins og starfsmanna þess. Þeim var á móti þakkað þeirra ómetanlega og óeigingjarna starf í þágu íslensks samfélags.

Fulltrúar hlaupahópsins "Rafliðanna" afhenda fulltrúum Neistans styrk.

Fulltrúi "Liðs til Bjargar" afhendir fulltrúa ADHD samtakanna styrk.

Fulltrúi "Vísindamannanna" afhendir fulltrúum Hringsins styrk.

Að afhendingu lokinni var boðið upp á kaffiveitingar: