Rio Tinto á Íslandi tilnefnt sem fyrirtæki ársins

Verðlaunin Fyrirtæki ársins í Hafnarfirði, sem veitt eru árlega af Markaðsstofu Hafnarfjarðar, er viðurkenning til fyrirtækis sem hefur með starfsemi sinni, metnaði og jákvæðum áhrifum skarað fram úr í að efla atvinnulíf og samfélag í bænum. Að þessu sinni var Rio Tinto á Íslandi, álverið í Straumsvík, tilnefnt til verðlaunanna, sem undirstrikar mikilvægt hlutverk fyrirtækisins sem eins helsta burðarás atvinnulífs í sveitarfélaginu. Álverið hefur um langt árabil haft víðtæk áhrif á samfélagið, skapað fjölda starfa og lagt sitt af mörkum til uppbyggingar og þróunar, auk þess að búa yfir sterkri þekkingu og djúpum rótum í sögu og framþróun atvinnulífs í Hafnarfirði.