Öflugt starfsfólk óskast í sumar

Öflugt starfsfólk óskast til starfa hjá ISAL í sumar.

Við bjóðum uppá sumarstörf í steypuskála og kerskála þar sem unnið er á þrískiptum 8 tíma vöktum (tvær næturvaktir, tvær kvöldvaktir og tvær dagvaktir). Unnið er í 5 daga og 5 daga frí.

Við bjóðum einnig uppá sumarstörf í skautvinnslu og efnisvinnslu og þar er unnið á tvískiptum 8 tíma vöktum ásamt einni 16 tíma vakt (tvær dagvaktir, ein löng vakt, tvær kvöldvaktir). Unnið er í 5 daga og 4 daga frí.

Störfin eru fjölbreytt, krefjast nákvæmni og mikillar öryggisvitundar. Sameiginlegt markmið er að framleiða hágæða ál í samhentum hópi þar sem öryggi er undirstaða allra verka.

Við hvetjum öll áhugasöm um að kynna sér störfin og sækja um.

Hæfniskröfur

• 18 ára og eldri
• Bilpróf er skilyrði, lyftarapróf kostur
• Sterk öryggisvitund
• Frumkvæði, stundvísi, samviskusemi og hæfni í mannlegum samskiptum
• Hreint sakavottorð
• Heilsufarseftirlit hjá ISAL er forsenda allra sumarráðninga ásamt því að undirgangast áfengis- og vímuefnaskimun

Fríðindi í starfi

• Áætlunarferðir til og frá vinnu starfsfólki að kostnaðarlausu
• Frítt fæði í mötuneyti

Saman sköpum við fjölbreyttan, eftirsóknarverðan og umfram allt skemmtilegan vinnustað með hæft, áhugasamt og jákvætt starfsfólk. Við bjóðum upp á samkeppnishæf laun, fjölskylduvænt starfsumhverfi með áherslu á öryggi, jafnrétti og vellíðan starfsfólks sem er grunnurinn að framúrskarandi árangri.

Sótt erum störfin hér: https://jobs.50skills.com/isal/is