Alcan á Íslandi

28.09.2006

Slökkvum ljósin og horfum á stjörnurnar

Ákveðið hefur verið að Alcan í Straumsvík taki þátt í þeirri skemmtilegu uppákomu sem fyrirhuguð er fimmtudagskvöldið 28. september, þegar ljósin verða slökkt í sveitarfélögunum á höfuðborgarsvæðinu, Suðurnesjum öllum og Akranesi til að gefa fólki tækifæri til að skoða stjörnurnar. 

Ráðgert er að ljósin verði slökkt á tímabilinu frá kl. 22 til 22:30 og ætlum við Straumsvíkingar ekki að láta okkar eftir liggja. Útilýsingin á svæðinu verður þess vegna slökkt auk lýsingar í helstu byggingum, þar sem hægt er að koma því við með góðu móti. 

Starfsmenn og allur almenningur er að sjálfsögðu hvattur til að taka þátt í þessu eftir bestu getu og grípa þetta einstaka tækifæri til að skapa myrkur á höfuðborgarsvæðinu!