Alcan á Íslandi

03.01.2005

Alcan jafnar framlög starfsmanna

Ákveðið hefur verið, að Alcan á Íslandi jafni framlög starfsmanna sinna sem taka þátt í símasöfnun Rauða Krossins sem hófst í kjölfar hörmunganna í SA-Asíu. Strax á öðrum degi jóla opnaði Rauði krossinn söfnunarsímann 907 2020 en með því að hringja í hann skuldfærast 1.000 krónur af símreikningi þess sem hringir.

 Mörg systurfyrirtæki okkar um allan heim hafa brugðist við á sambærilegan hátt enda hefur Travis Engen, aðalforstjóri Alcan, hvatt til þess öll Alcan fyrirtæki jafni þau framlög sem Alcan starfsmenn leggja í safnanir á vegum Rauða krossins eða Rauða hálfmánans.

Í bréfi sínu til starfsmanna segist Travis vonast til þess, að mótframlag fyrirtækisins verði hvatning til starfsmanna sem geta tvöfaldað sitt framlag með auðveldum hætti.  Við hvetjum að sjálfsögðu alla til að taka þátt og styðja þannig það mikla hjálparstarf sem er í gangi.