Alcan á Íslandi

01.06.2018

Styrkir til yngri íþróttaiðkenda í Hafnarfirði

Í gær fór fram úthlutun íþróttastyrkja fyrir yngri en 18 ára iðkendur aðildarfélaga ÍBH samkvæmt samningi milli ÍBH, Rio Tinto á Íslandi og Hafnarfjarðarbæjar. Úthlutunin fór fram hér í höfuðstöðvum Rio Tinto á Íslandi. Samningur hefur verið í gildi frá árinu 2001 á milli Íþróttabandalagsins í Hafnarfirði, Rio Tinto á Íslandi hf. og Hafnarfjaðarbæjar um stuðning við íþróttastarf yngri iðkenda. Nýr samningur var gerður seint á síðasta ári til þriggja ára og er verðmæti samningsins tæplega 60 milljónir.  Að þessi sinni var úthlutað 12 milljónum króna eða 60% af framlagi ársins vegna iðkendafjölda sem æfir reglulega í félögunum og jafnréttishvata. Eftirtalin félög fá stuðning út frá samningi og umsóknum:

• Fimleikafélag Hafnarfjarðar
• Fimleikafélagið Björk
• Knattspyrnufélagið Haukar
• Sundfélag Hafnarfjarðar
• Brettafélag Hafnarfjarðar
• Badmintonfélag Hafnarfjarðar
• Golfklúbburinn Keilir
• Hestamannafélagið Sörli
• Dansíþróttafélag Hafnarfjarðar
• Siglingaklúbburinn Þytur
• Íþróttafélagið Fjörður
• Hnefaleikafélag Hafnarfjarðar

Samtals fá þessu félög 11 milljónir króna og skiptist eftir fjölda iðkenda hjá hverju félagi fyrir sig.

Loks hljóta Brettafélag Hafnarfjarðar og Badmintonfélag Hafnarfjarðar  500.000kr. hvort í jafnréttishvataverðlaun.

Á myndinni eru fulltrúar þeirra íþróttafélaga sem hlutu styrk að þessu sinni ásamt Rannveigu Rist, forstjóra Rio Tinto á Íslandi, og Hrafnkeli Marínóssyni, formanni ÍBH.