09.02.2012
Framúrskarandi fyrirtæki
Alcan á Íslandi er í öðru sæti á lista yfir framúrskarandi fyrirtæki árið 2011, samkvæmt greiningu CreditInfo.
CreditInfo styðst við hlutlæga mælikvarða á borð við rekstrarafkomu, lánshæfismat, eiginfjárhlutfall, eignastöðu, skilvís skil á ársreikningum og fleira, og er litið til frammistöðu fyrirtækjanna yfir þriggja ára tímabil.
Listinn endurspeglar því ekki aðeins tímabundinn árangur heldur einnig stöðugleika í rekstri.
Innan við 1% íslenskra fyrirtækja uppfylla skilyrði CreditInfo til að flokkast sem "framúrskarandi fyrirtæki".
Alcan á Íslandi er sem fyrr segir í 2. sæti af þeim 245 fyrirtækjum sem uppfylla skilyrðin.
Í fjarveru Rannveigar Rist forstjóra tók Sigurður Þór Ásgeirsson, framkvæmdastjóri fjármálasviðs og staðgengill forstjóra, við viðurkenningunni frá CreditInfo í dag.
Efstu tíu fyrirtækin á lista CreditInfo eru:
- Medis
- Alcan á Íslandi
- Alfesca
- Össur
- HB Grandi
- Actavis
- Bananar
- CCP
- Stálskip
- Vignir G. Jónsson
Sigurður Þór Ásgeirsson (fyrir miðju) ásamt fulltrúum annarra efstu fyrirtækja á listanum og Oddnýju G. Harðardóttur fjármálaráðherra, sem afhenti verðlaunin.
« til bakaDeila