Alcan á Íslandi

15.03.2004

Alcan virtasta fyrirtækið á sínu sviði

Alcan Inc., eigandi álversins í Straumsvík, er nú í efsta sæti fyrirtækja í málmiðnaði á lista tímaritsins Fortune yfir virtustu fyrirtæki heims.

 Fortune setur Alcan í fyrsta sæti á sínu sviði og meðal 10 virtustu fyrirtækja í heimi fyrir félagslega ábyrgð. Þetta er annað árið í rös sem Alcan kemst á þann lista, en í fyrra var Alcan í öðru sæti yfir fyrirtæki í málmiðnaði.

"Við hjá Alcan erum mjög ánægð með að vera virtasta fyrirtæki heims í málmiðnaðinum, sér í lagi vegna þess að þessi röðun byggir á umsögnum jafningja okkar," sagði Travis Engen, stjórnarformaður og aðalforstjóri Alcan þegar niðurstaðan lá fyrir. "Síðasta ár var mjög spennandi hjá okkur. Við færðum út starfsemi okkar en það gefur Alcan mikið samkeppnisforskot. Ég tel að þessi einkunn sýni að aðrir leiðtogar í iðnaðinum viðurkenni það."

Á hverju ári býður tímaritið Fortune og ráðgjafafyrirtækið Hay Group 10.000 stjórnendum, forstjórum og verðbréfasérfræðingum að gefa alþjóðlegum fyrirtækjum einkunn á níu sviðum: nýsköpun, fjárhagsstyrk, hæfni mannauðs, nýtingu eigna, langtíma fjárfestingarvirði, félagslegri ábyrgð, gæðum stjórnunar, gæðum vöru og þjónustu og útbreiðslu. Listi tímaritsins er svo byggður á niðurstöðunum sem fást úr þeirri athugun.